Yn dilyn y golygfeydd gwych ym Mharis ddydd Sul aeth staff y cyngor ati i godi’r faner fore dydd Llun.
Y ‘faner' felen unigryw yw’r ddiweddaraf ymhlith cyfres o deyrngedau i’r beiciwr o Gaerdydd sydd wedi gweld cannoedd o bobl mewn gwisgoedd melyn ar feiciau yn cymryd rhan mewn taith feiciau drwy strydoedd y brifddinas, Neuadd y Ddinas a Neuadd Dewi Sant yng Nghaerdydd, yn ogystal ag adeiladau ledled Cymru yn cael eu goleuo’n felyn.
Dywedodd y Cynghorydd Peter Bradbury, yr Aelod Cabinet dros Ddiwylliant a Hamdden:“Mae’r hyn a gyflawnodd Geraint yn rhyfeddol, mae gweld Cymro balch yn ennill am y tro cyntaf yn hanes y Tour de France yn golygu llawer i bobl Caerdydd a Chymru gyfan.
“Mae Geraint wedi rhoi Cymru ar y map a nawr rydym
yn talu teyrnged iddo drwy chwifio’r siwmper felen nes gallwn ei groesawu yn ôl
yn iawn."