Ers
mis Awst eleni, cafodd 23 o hysbysiadau cosb benodedig o £400 yr un eu
dosbarthu i droseddwyr ac mae dau achos mwy difrifol yn cael eu paratoi at
achos llys.
Mae
tipio'n anghyfreithlon ac mae’n difwyno’r cymunedau rydyn ni’n byw ynddynt.
Dyma rybudd i’r rhai sy’n troseddu ein bod am gynyddu nifer y camerâu y byddwn
yn eu defnyddio i orfodi, ac rydym yn defnyddio'r holl adnoddau sydd ar gael i
ddal y troseddwyr.
Dywedodd
y Cynghorydd Michael Michael, yr Aelod Cabinet dros Strydoedd Glân ac
Ailgylchu: “Mae pobl yn tipio gwastraff anghyfreithlon er mwyn gwneud arian.
Mae’r Cyngor yn darparu’r holl gyfleusterau mae eu hangen i breswylwyr waredu
eu gwastraff yn gyfrifol.
“Yn aml mae'r bobl sy'n troseddu yn drefnus
iawn, yn dympio gwastraff o gliriadau tai neu wastraff a gesglir yn rhad ac yn
anghyfreithlon o gartrefi pobl.
“Bellach rydym yn edrych i mewn i’r pwerau
sydd ar gael i gipio’r cerbydau a welwn wrth ymchwilio, fel y gallwn eu cymryd
oddi ar y ffordd a'u cywasgu.
“Mae gwaredu tunnell o wastraff mewn safle
tirlenwi neu mewn cyfleuster ynni o wastraff yn costio tua £80 y dunnell.
Felly os oes rhywun yn cynnig casglu gwastraff o’ch cartref am tua £20, dylech
fod yn amheus.
“Er mwyn casglu gwastraff yn fasnachol, mae’n
rhaid bod gennych drwydded cludo gwastraff gan Gyfoeth Naturiol Cymru. Os yw
rhywun yn casglu gwastraff o’ch cartref, gofynnwch am eu trwydded a nodyn
trosglwyddo gwastraff.
“Dylai’r nodyn trosglwyddo gwastraff roi
manylion o ble mae’r gwastraff yn cael ei gludo ac i ba gyfleuster gwaredu
trwyddedig y mae’r gwastraff yn cael ei gludo. Os yw’r person sy’n casglu’r
gwastraff yn gwrthod â darparu’r wybodaeth hon, peidiwch â defnyddio ei
wasanaethau. Fel arall os deuir o hyd i'r gwastraff wedi'i dipio'n
anghyfreithlon ac os caiff ei olrhain i'ch cartref chi, chi gewch eich
erlyn."
Os
yw unrhyw breswylydd yn dyst i dipio anghyfreithlon yn ei gymuned, gofynnir
iddo beidio â mynd at y troseddwyr ond dylai nodi manylion yr amser, lleoliad,
disgrifiad o’r troseddwyr a manylion cofrestru’r cerbyd a dweud wrth Cysylltu â
Chaerdydd ar 2087 2088 fel y gall ymchwiliadau gael eu cynnal.