Ar y cyd mae'r bartneriaeth
wedi neilltuo £100,000 i greu cynllun marchnata newydd, sydd yn cynnwys
defnyddio lleoliadau yng Nghaerdydd, yn ogystal â chydweithio gyda Chanolfan
Cynadleddau Cenedlaethol Cymru i wneud y gorau o'r potensial busnes yn y
farchnad hon.
Mae prifddinas Cymru eisoes
wedi sefydlu ei hun fel cyrchfan ryngwladol ar gyfer chwaraeon a diwylliant.
Nawr, mae'r bartneriaeth newydd yn troi ei sylw at wneud y gorau o'r cyfleoedd
pellach i greu Caerdydd fel prif gyrchfan yn y sector digwyddiadau busnes, gan
gydweithio â thîm Digwyddiadau Busnes newydd Llywodraeth Cymru.
Mae amrywiaeth o leoliadau yng
Nghaerdydd ar gyfer digwyddiadau busnes gan gynnwys Stadiwm y Mileniwm; Gerddi
Sophia; Amgueddfa Genedlaethol Cymru; Coleg Cerdd a Drama Cymru; Stadiwm Dinas
Caerdydd; Arena'r Motorpoint; Techniquest yn ogystal â Chanolfan Mileniwm
Cymru.
Caiff y bartneriaeth newydd ei
chadeirio gan Adrian Field, Cyfarwyddwr Gweithredol FOR Cardiff - Ardal Gwella
Busnes y ddinas.
Dywedodd Adrian Field
"Rydym yn hyderus bod yr holl asedau yn barod yng Nghaerdydd i ddod yn
rhagflaenydd yn y farchnad ddigwyddiadau busnes. Mae gennym leoliadau gwych,
mae gennym ganol dinas bywiog, ac mae gennym frwdfrydedd gwirioneddol o du'r
sector i roi'r trwyn ar y maen gyda hwn.
"Ar ben y buddsoddiad yn
y METRO; trydaneiddio Prif Linell Reilffordd y Great Western; Canolfan
Cynadleddau Rhyngwladol Cymru a'r Arena Dan Do arfaethedig, mae hynny'n golygu
fod gan y ddinas-ranbarth ehangach y seilwaith i gynnal y digwyddiadau busnes
gorau a mwyaf.
Ffeithiau
allweddol am y diwydiant:
·
Mae busnes digwyddiadau'r DU
(cyfanswm) yn werth £40 biliwn y flwyddyn
·
Mae cyfran digwyddiadau busnes y DU
yn werth £24 biliwn y flwyddyn
·
Ar hyn o bryd mai llai na 2% o'r £24
biliwn yma yn dod i Gymru - sef 1.59%
·
Mae cynadleddwr busnes yn werth o
leiaf tair (3) gwaith gwerth ymwelydd hamdden
·
Mae 74% o gynadleddwyr busnes yn
dychwelyd i leoliad y gynhadledd fel ymwelydd hamdden
·
Mae digwyddiadau busnes yn unedau
hybu - maen nhw'n gweithio ar draws diwydiannau, sectorau, busnesau ac academia
·
Mae digwyddiadau busnes bellach yn
llwyfannau sy'n defnyddio seilwaith twristiaeth