Yn 2020 mae Mynwent Thornhill eisoes wedi cael ei henwi yn ‘Fynwent y Flwyddyn,' gan ennill yr anrhydedd am yr ail flwyddyn yn olynol.

Dywedodd yr Aelod Cabinet sy'n gyfrifol am Wasanaethau Profedigaeth, y Cyng. Michael Michael: “Mae cyrraedd rowndiau terfynol y gwobrau yma, ar ben cael eu henwi yn Fynwent y Flwyddyn, ac yn wyneb yr heriau sylweddol a gyflwynir gan Covid-19, yn gydnabyddiaeth wych i’r tîm ac yn dyst i’r gwaith ardderchog y maent yn ei wneud dros Gaerdydd. Byddaf yn croesi fy mysedd y cawn ni newyddion da pan gaiff y gwobrau eu cyhoeddi yr wythnos nesaf.”

Mae Tîm Gwasanaethau Profedigaeth Caerdydd yn delio â mwy na 4,500 o angladdau bob blwyddyn. Mae’r gwasanaeth yn cael ei gydnabod fel gwasanaeth safon aur yn Asesiad safonol Siarter y Profedigaethus ICCM y DU ac mae ganddo sgôr o 99% o ran boddhad cwsmeriaid.